O V Congreso Científico de Montaña terá lugar no CPI Poeta Uxío Novoneyra do Courel
O CPI Poeta Uxío Novoneyra acolle os vindeiros 15 e 16 de xuño o V Congreso Científico de Montaña no que participan varios centros educativos da contorna e no que colabora o Xeoparque Montañas do Courel.
Así, tanto o alumnado do colexio que acolle, como o CPI Uxío Novoneira de Pedrafita, o CPI Navia de Suarna, o CPI de Cervantes, o CFEA Sergude de Boqueixón, o IES Becerreá, o IES Fontem Albei da Fonsagrada, o IES O Couto de Ourense e o IES Xoán Montes de Lugo participarán destas xornadas.
Durante estes dos días, o alumnado da ESO e o alumnado de primaria protagonizarán diferentes actividades, tanto pola mañá como pola tarde do día 15 e pola mañá do día 16.
Entre as novidades máis importantes que ofrece este congreso, está a ruta que levarán a cabo pola tarde e os xogos populares e o obradoiro de Astronomía e pintar con luz da noite do día 15.