Actualidade

Os cambios afectarían ao servizo durante a xornada deste xoves, 5 de decembro, e previsiblemente tamén ao día 9 de decembro

Bus urbano, Monforte

O Concello de Monforte informa de que a empresa de transportes concesionaria do servizo do Autobús Urbano da cidade ven de comunicar que ante a folga de transporte de viaxeiros convocada para os dias 5 e previsiblemente tamén o día 9 de decembro, cabe a posibilidade de que os empregados de dita empresa secunden a folga, polo que, nese caso os horarios correspondentes ós servizos mínimos de dito bus urbano, que se manterán mentres dure a folga, serán de 8.00 a 11.00 horas e de 18.00 horas a 21.00 horas.

Estes horarios serán efectivos sempre e cando o persoal da empresa concesionaria secunde a folga. De non secundala, os horarios do Autobús urbano serán os habituais dun luns laborable.