O SEPE sofre un ciberataque que o deixa sin servizo
O sistema informático do Servizo Público de Emprego Estatal, SEPE, sufriu esta mañá un ataque informático que obrigou a paralizar tanto os servizos que o organismo presta a través de internet como nas oficinas.
Un equipo de técnicos e expertos está a traballar para que o sistema informático poida recuperar a actividade normal, segundo fontes do Ministerio de Traballo e Economía Social. Habilitouse ademais a liña de atención 060 para recibir información sobre este incidente.
O propio SEPE difundiu a través das súas redes sociais unha mensaxe na que informa de que a súa páxina web e a sede electrónica non se atopan dispoñilbes "por causas alleas" ao organismo e que avisarán en canto volvan a estar operativas.
O sindicato CSIF explicou nun comunicado que se trata dun virus Ransonware que afectou tanto aos ordenadores dos postos de traballo como aos portátiles da plantilla que se atopan teletraballando.
A través da páxina do Servizo Público de Emprego Estatal os usuarios poden solicitar o paro, subsidios ou prestacións, así como consultar o estado dunha prestación por desemprego ou Erte.