O Saviñao celebra a IV Festa da Vendima con música, viño e artesanía

Broken Peach e Budiño protagonizarán o gran concerto do sábado 6 de setembro na Devesa de Escairón

O Concello do Saviñao organiza a IV Festa da Vendima, que terá lugar na Devesa de Escairón, e na que a música, o viño e a tradición serán os protagonistas.

O sábado 6 de setembro, a partir das 18.00 horas, celebrarase un gran concerto coas actuacións de Broken Peach e Budiño.

A programación musical abarcará desde música galega ata propostas de vangarda, creando un ambiente diverso e festivo para todos os asistentes.

Ademais das actuacións musicais, a festa incluirá degustacións de viños, obradoiros infantís, talleres de artesanía de Galicia, actividades no Ecomuseo Arxeriz e, posiblemente, como o ano pasado, Eugenio Linares exhibirá o seu traballo de talla en madeira con motoserra durante as dúas xornadas.