O Punto Limpo Móbil inicia un novo percorrido polas parroquias da Pobra do Brollón
O Concello da Pobra do Brollón anunciou que o Punto Limpo Móbil iniciou este luns, 23 de marzo, un novo percorrido polas parroquias do municipio. O servizo permanecerá unha semana en cada parroquia, permitindo á veciñanza realizar o depósito seguro e o reciclaxe de pequenos residuos contaminantes, como pilas, medicamentos e os seus envases, lámpadas e tubos fluorescentes, aerosois, aceite usado de cociña, envases baleiros de pinturas, e tóners e cartuchos de impresoras.
O percorrido comezou na parroquia de Parada dos Montes e continuará polas distintas parroquias segundo o calendario establecido polo Concello, que se estenderá até o mes de setembro, cun total de 24 percorridos. Esta iniciativa ten como obxectivo facilitar á cidadanía a correcta xestión destes residuos e contribuír á protección do medio ambiente.
