O Punto Limpo Móbil de Chantada estará instalado ata o 15 de maio nas parroquias de Ada e Santiago de Arriba
O Punto Limpo Móbil de proximidade de Chantada retomou o seu funcionamento o pasado mes de abril e, durante 15 días, estivo situado nas parroquias de Arcos e A Sariña. Agora, ata o 15 de maio, as unidades trasládanse a Santiago de Arriba e Ada.
O servizo préstase todos os meses na Avenida de Monforte e na Praza de Catro Camiños e, ademais, cada 15 días, dúas unidades viaxan por diferentes parroquias do municipio para facilitar a recollida de residuos e a reciclaxe entre a veciñanza.
No caso de Santiago de Arriba, a unidade estará situada na Igrexa, mentres que no caso de Ada a localización será no Campo da Festa. Poderanse depositar dende pilas usadas, cápsulas de café, discos e vídeos, fluorescentes, baterías, aceite doméstico vexetal, residuos de aparellos eléctricos e electrónicos, pinturas, disolventes, aerosois, lámpadas, radiografías, cartuchos de tinta e tóner ou cápsulas de café.