O Punto de Atención á Infancia de Bóveda abre as matriculacións a partir do 16 de abril
RibeiraSacraXa
As persoas interesadas en matricular aos seus fillos poderán facelo ata o día 30 de abril
PAI, Bóveda
1 Apr 2025
O Concello de Bóveda vén de anunciar que o período de matriculación no Punto de Atención á Infancia (PAI) estará aberto entre o 16 e o 30 abril, ambos incluídos.
As persoas interesadas en matricular aos seus fillos e fillas poderán facelo presentando a solicitude nas dependencias municipais, en horario de 9.30 a 14.30 horas.
A documentación requirida poderá consultarse a través da sede electrónica do Concello. Unha vez presentadas as solicitudes, a lista definitiva de admitidos e excluídos publicarase no taboleiro de anuncios da web o do Concello e no propio PAI. Ademais, os admitidos recibirán a resolución por escrito.