Axenda

As preinscricións para o primeiro curso están abertas ata o 31 de decembro

O Concello de Folgoso do Courel acollerá en xaneiro dous cursos presenciais dentro do programa E para Dixitalizarte Lugo, que buscan facilitar o uso de ferramentas dixitais á cidadanía.

O primeiro curso, titulado “C00. O teléfono móbil, primeiros pasos”, está dirixido a quen queira familiarizarse co uso básico do teléfono móbil. Impartirase os días 15, 22 e 29 de xaneiro, e 5, 12, 19 e 26 de febreiro en horario de 16:00 a 19:00 horas. Neste curso ensinarase a configurar o dispositivo, utilizar aplicacións cotiás como a mensaxería instantánea, redes sociais e mapas, ademais de aplicar medidas básicas de seguridade.

O segundo curso, “B00. Firma dixital/Ch@ve 365/Certificados varios. Aplicacións de Sergas, Facenda. Actuar ante as administracións públicas, sede electrónica”, ofrecerá formación para desenvolverse no entorno dixital das administracións públicas. Os participantes aprenderán a usar a firma dixital, o sistema Ch@ve 365 e certificados electrónicos, así como aplicacións para trámites sanitarios e administrativos. Este curso impartirase os días 23 e 30 de xaneiro, 6, 13, 20 e 27 de febreiro e 6 de marzo, en horario de 16:00 a 19:00 horas.

As preinscricións para o primeiro curso están abertas ata o 31 de decembro, mentres que para o segundo curso o prazo remata o 4 de xaneiro.