O programa da Xunta Coidados Porta a Porta volve ao Courel
RibeiraSacraXa
O programa da Xunta Coidados Porta a Porta volve ao concello do Courel os días 14, 17 e 18 de outubro a partir das 09.00 horas
7 Out 2022
Esta iniciativa que visita de novo o concello de Folgoso do Courel os días 14, 17 e 18 de outubro, busca levar servizos asistenciais ás persoas maiores do rural para a prevención da dependencia.
Ofrecerá na Praza do Concello consultas de audioloxía, podoloxía e estimulación da memoria a tódalas persoas maiores de 55 anos, con cita previa e de maneira gratuíta.
Estará dispoñible en horario de 09.00 a 20.00 horas.
Un autobús con profesionais de cada unha das especialidades permanecerá nesta localización durante os días 14, 17 e 18 deste mes para poder atender a tódolos asistentes.
Pódese solicitar cita previa nos teléfonos 622 748 283 e 623 546 992 ou ben enviar un correo electrónico ao enderezo coidadosportaaporta.politicasocial@xunta.gal
