O primeiro evento artístico cultural Ruralsía terá lugar este sábado en Taboada
RibeiraSacraXa
O primeiro evento artístico cultural Ruralsía terá lugar este sábado en Taboada e está organizado pola Asociación Landra
![Asociación mulleres Rurais Landra Taboada](https://ribeirasacraxa.com/wp-content/uploads/2023/03/Asociacion-mulleres-Rurais-Landra-Taboada.jpg)
18 Abr 2023
A Asociación de Mulleres Rurais Landra de Taboada organiza este sábado, 22 de abril, o primeiro Ruralsía, un evento artístico-cultural no que haberá artesanía, poesía, música, patrimonio, contacontos, paseos e moito máis.
A partir das 11.00 horas, as persoas interesadas en participar deste evento poderán facelo no Pazo de San Pedro de Bembibre, que colabora no evento xunto co Concello de taboada e a Fundación Condado de Taboada.
Poetas como Toño Núlez, Anxo Boan, Ana Rey, Jose Carlos Ulloa, ana Gamallo, Andreia Costas e máis autores. En canto á música, acudirá ao evento Manoele de Felisa, un dos grandes cantautores galegos.
Por outra parte, expoñeranse obras e debuxos e contarase coa participación da Asociación de Mulleres O Xaramago.
![Ruralsía Taboada](https://ribeirasacraxa.com/wp-content/uploads/thumbs/2023/04/Ruralsia-Taboada-200x377.jpg)