O PP pon en valor que arredor de 8.000 maiores da comarca de Lemos xa poden beneficiarse dos descontos do Carné +65
Os deputados do Grupo Popular Raquel Arias e José Manuel Mato salientaron hoxe que máis 8.000 maiores da comarca de Lemos (entre os 81.000 da provincia de Lugo) xa se poden beneficiar dos descontos e as facilidades para o acceso a servizos culturais, de ocio ou sanitarios que ofrece o Carné +65. Neste momento, preto de 800 establecementos de toda Galicia, dos que máis dun cento atópanse na provincia de Lugo e 13 na comarca de Lemos, xa están adheridos a esta iniciativa da Xunta. A maioría son de Monforte de Lemos pero tamén os hai de outros concellos, como Pantón, Sober, Quiroga e Courel . Opticas,
Raquel Arias e José Manuel Mato reuníronse co director do Hotel-Balneario Augas Santas de Pantón, Santiago Villanueva, un dos centros adheridos, e animaron a todos os maiores a beneficiarse das vantaxes do Carne +65.
O Carne +65 é totalmente gratuíto e os usuarios poden acollerse ás vantaxes que neste momento xa ofrecen arredor de 800 establecementos de toda Galicia, unha cifra que está previsto se achegue ao milleiro ao remate do presente ano.
Os deputados populares explicaron que “todas persoas de 65 ou máis, que estean empadroados en Galicia, están a recibir ou xa recibiron o Carné +65 nos seus domicilios”. “No caso de non ser así, poden solicitalo a través da dirección de correo electrónico xestion.carne65.maiores@xunta.gal, e seralles remitido á dirección que o soliciten”, indicaron.
Así mesmo, os establecementos que desexen adherirse a esta campaña poden facelo directamente a través da páxina web habilitada pola Consellería de Política Social para coñecer todo sobre o Carné +65 ,espazo dixital no que tamén se pode consultar os establecementos participantes e os descontos que ofrecen aos usuarios. Todos eles disporán dun distintivo para que os clientes coñezan que participan nesta iniciativa.