O PP de Monforte pregunta sobre os 40 traballadores prometidos na plataforma de ciberseguridade de Renfe
O PP de Monforte pide explicacións sobre o anuncio do Concello no que afirmaba que en 2025 en Monforte habería 40 traballadores na plataforma de ciberseguridade de Renfe e lembran que na actualidade continúa habendo unicamente 10.
"O único que hai de certo é que estamos en 2025 e seguimos con 10 traballadores. É certo que son profesionais altamente cualificados, pero tamén é certo que non contan cunhas condicións laborais acordes a súa categoría profesional”, afirmou a voceira do PP de Monforte, Katy Varela.
A realidade, “é que as condicións laborais que teñen estes 10 empregados son precarias, motivo polo que están a realizar protestas para facer pública a súa situación”.
Lembra, ademais, o anuncio do goberno de Monforte sobre a creación de ata 100 postos de traballo nesta plataforma vencellada ao sector ferroviario, pero sinala que tampouco se cumpliu.
Dende o PP de Monforte advirten de que os empregados da plataforma de ciberseguridade de renfe en Monforte, Logirail, atópase realizando protestas polas súas condicións laborais, motivo polo cal o seu partido, a través do deputado no Congreso, Francisco Conde, presentou diversas iniciativas para coñecer máis sobre a situación destes empregados.