O Mercado de Nadal de Monforte volve a abrir as súas portas este sábado
O Concello de Monforte volverá a abrir as portas, mañá sábado 28 de decembro, do Mercado de Nadal do Concello de Monforte, unha proposta de animación, con actividades para nenos e nenas, e propostas musicais para todos os públicos, á vez que se potencia o comercio e a artesanía.
O alcalde, José Tomé Roca, destaca que “fomentar as compras desta época nas tendas de Monforte, no noso comercio local, para o que fusionaremos animación e ocio co comercio, nas instalacións dos mercados, como xa vimos facendo nas últimas edicións, unha oferta atractiva de ocio e animación para todos os públicos, ó mesmo tempo que se fan os mercados de tempada”.
Deste xeito, ó igual que a pasada semana, o Mercado de Nadal de Monforte, abrirá as súas portas na Praza de Abastos monfortina mañá sábado 28 de decembro, con continuidade o domingo 29, en horario de 10:00 a 14:00 horas e de 17:00 a 20:30 horas.
No Mercado de Nadal, o visitante poderá atopar unha ampla oferta de produtos para agasallos e gastronomía navideña, como artesanía en coiro, pintura, bixutería, madeira, complementos téxtiles, calzados, produtos gourmet, galletas artesanais, tartas de queixo artesás, cosmética natural e moito máis. Estes produtos serán ofertados por 15 expositores cada día.
Programación para todos os públicos
Ademais da oferta comercial, o Mercado de Nadal contará con un variado programa de actividades dirixido a toda a familia e que se celebrará na propia Praza de Abastos.
O sábado 28 terá lugar ás 18:30 horas, o espectáculo de títeres Alakrán coa peza “Pequeno Kabaret de Tolos” e o domingo 29 tamén ás 18:30 horas unha actuación de maxia co mago Roberto Lolo, co espectáculo “Mira el Coyote”.
Tanto o sábado coma o domingo, no horario de apertura do Mercado de Nadal haberá instaladas unhas pistas de Scalextric, no espazo gastronómico da Praza de Abastos.
Poderán participar nel de xeito gratuíto todos aqueles que o desexen, con coches e mandos propios ou cedidos pola organización. O domingo 29 a partir das 17:30 horas disputaranse unha carreira en distintas categorías.
Para poder participar nela, será necesario inscribirse o domingo 29 pola mañá (de 10:00 a 14:00 horas) ou ás 17 horas, antes do comezo da carreira.
O sábado 28, a partir das 20:00 horas, actuará o grupo monfortino Movilla y los Irrepetibles na rúa Cardenal, como colofón a esta segunda fin de semana do Mercado de Nadal.
O Alcalde anima “a todos os monfortinos e ás persoas que nos visiten estes días, que acudan ó noso Mercado de Nadal, ó igual que fixeron a pasada fin de semana, que aposten por mercar no comercio local e gocen da nosa hostalería, e participen neste completo programa de actividades que desenvolveremos na Praza de Abastos e na rúa do Cardenal”.