O IV Ciclo de Concertos de Grupos de Monforte continúa este luns na Praza da Compañía
O IV Ciclo de Concertos de Grupos de Monforte, organizado polo Concello dentro do Programa de Verán, continúa a partir deste luns, 1 de setembro, con tres novos días de concertos
Tras as primeiras xornadas celebradas en agosto, nas que os veciños gozaron de Cero2Cero, Malenne, Cool Flanders, Dinosaurios, El Mundo de Sofía Band e Segunda Parte, o ciclo retoma a súa actividade este luns 1 de setembro con Deloreans ás 22:30 horas e Los Jinetes del Trópico ás 00:00 horas na Praza da Compañía
O martes 2 de setembro subirán ao escenario Nectarine Soul ás 22:30 horas e Deuce ás 00:00 horas na Praza da Estación. O ciclo pecharase o mércores 3 de setembro con Galga Blues Band ás 22:30 horas na Praza de España e Bella Chaos ás 00:00 horas na Praza da Estación
O ciclo é unha aposta do Concello de Monforte polos grupos monfortinos, para dar a coñecer a súa creatividade e as súas propostas en diferentes estilos musicais. O obxectivo, sinala o alcalde, José Tomé Roca, “é poñer en valor aos grupos musicais da cidade, incluíndoos no Programa do Verán Cultural, e dándolles así o recoñecemento que merecen”. En total, nesta edición participan 12 grupos monfortinos