O IES A Pinguela felicita a Jesús Ledo Cores polo Premio Extraordinario de FP
O IES A Pinguela quixo trasladar publicamente a súa felicitación a Jesús Ledo Cores, antigo alumno dos ciclos superiores de Administración e Finanzas e de Asistencia á Dirección, tras ser recoñecido co Premio Extraordinario de Formación Profesional outorgado pola Xunta de Galicia. O galardón distingue o seu esforzo e o excelente resultado académico acadado ao longo da súa etapa formativa.
Segundo destacou o centro educativo, Jesús Ledo Cores logrou o mellor expediente de Galicia na familia profesional de Administración no curso 2023/24, un recoñecemento que pon en valor tanto a súa dedicación persoal como a calidade da formación recibida.
Dende o IES A Pinguela subliñan que este premio supón un motivo de orgullo para toda a comunidade educativa e un exemplo do nivel académico que se pode acadar a través da Formación Profesional.