Educación

O Ministerio de Educación e Formación Profesional seleccionou ao centro para participar no Proxecto “Agrupacións de Centros Educativos”

O IES A Pinguela de Monforte de Lemos foi seleccionado polo Ministerio de Educación para participar nun proxecto sobre educación ambiental e sostibilidade.

O Ministerio de Educación e Formación Profesional seleccionou ao centro para participar no Proxecto “Agrupacións de Centros Educativos”, xunto co IES Leopoldo Queipo de Melilla e o IES Valle do Segura de Branca (Murcia).

Dita selección implica unha subvención de 10.800 euros para desenvolver o proxecto entre este curso e o próximo. A subvención irá destinada a sufragar as actividades programadas, así como a estancia e manutención do alumnado durante a súa semana de estancia en Melilla e Murcia, respectivamente.