Sociedade

A iniciativa pretende reunir imaxes para conmemorar o Día Internacional dos Bosques, que poderán enviarse ata este xoves

Con motivo do Día Internacional dos Bosques, o próximo 21 de marzo, o GDR Ribeira Sacra–Courel lanza a iniciativa “Olladas do Bosque” para visibilizar a riqueza natural dos bosques do territorio.

As persoas interesadas poden enviar fotografías dos bosques da zona ao correo info@ribeirasacraccourel.es
antes do 19 de marzo, indicando o nome, o lugar onde se tomou a foto e un teléfono de contacto.

Coas imaxes recibidas elaborarase un vídeo colectivo, que se publicará o mesmo 21 de marzo. Ademais, todos os participantes recibirán un detalle promocional do GDR, que poderán recoller na sede do GDR Ribeira Sacra–Courel.