O Espazo Xove de Chantada celebra este xoves a Feira da Primavera de 2025
Este vindeiro xoves, 24 de abril, o Espazo Xove de Chantada celebrará a chegada da primavera a través de diversas actividades lúdicas e deportivas, na Feira da Primavera de 2025.
A xornada comezará coa ‘Regueifa dos cravos’ a cargo de dous regueifeiros da Asociación Oral de Galicia, con motivo da Revolución dos Caraveis en Portugal, que se conmemora o 25 de abril. A actividade terá lugar en dúas quendas, de 9.35 a 11.15 horas e de 1.45 a 13.25 horas.
Pola tarde, de 16.30 a 18.00 horas haberá un obradoiro de zumba. Os e as participantes bailarán ao ritmo de ritmos latinos e actuais, con desafíos de baile, estiramentos e música e movemento.
Por último, entre as 18.00 e as 19.30 horas terá o obradoiro de maquillaxe ‘Pinceladas de Fantasía’, onde as persoas participantes aprenderán sobre técnicas básicas e creación de deseños divertidos e cunha pequena pasarela e sesión de fotos para rematar.