Axenda | Sociedade

As celebracións pasarán por unha decena de parroquias os días 14, 15 e 17 de febreiro

A comunidade do Courel organiza o seu Entroido entre os días 14 e 17 de febreiro, percorrendo durante tres días preto dunha decena de parroquias.

Así, as figuras do Entroido visitarán o sábado 14 de febreiro as parroquias de Céramo, Visuña, Ferramuín, Parada e Mercurín, entre as 13:00 e as 19:00 horas. O Domingo Lardeiro, 15 de febreiro, o Entroido chegará a Santa Eufemia, A Pendella, Baldomir, A Campa e Ferreirós de Arriba, entre as 12:30 e as 19:00 horas.

Para rematar, o martes 17 de febreiro, coñecido como Martes do Lume, o Entroido pasará por Noceda, Vilela e Teixeira. Ese día queimaranse o Meco e o Coaño, despedindo esta celebración tradicional ata o ano que vén.