O Entroido de Salcedo de 2026 presenta o seu programa de actividades
A aldea de Salcedo, en A Pobra do Brollón, celebrará o seu tradicional Entroido do 14 ao 17 de febreiro de 2026 cun programa que inclúe teatro, concertos e diversas actividades populares, entre as que destacará a saída do Oso.
As celebracións comezarán o día 14 de febreiro cunha función de teatro seguida dun concerto con Malenne e Alma DJ. O 15 de febreiro haberá actuacións do grupo Brabán Gaiteiros, un pregón a cargo de Rafa Quintía, e a saída das Madamas e Danzantes acompañadas de disfraces de campo. Pola noite repetirase a función de teatro e actuará o Dúo Triada xunto co Grupo Lume e Alma DJ.
O 16 de febreiro realizaranse as saídas do Oso Pequeno e o Oso, acompañadas por charangas e grupos musicais, e celebrarase unha cea popular con food truck, que dará paso á actuación da Orquestra Suavecito.
Finalmente, o 17 de febreiro haberá outra cea popular coa Orquestra Los Players, ademais da entrega do sorteo Aceites Abril.
PORGRAMA COMPLETO DO ENTROIDO DE SALCEDO 2026