O Consorcio de Turismo da Ribeira Sacra organiza un curso de orientación en montaña en Manzaneda e A Pobra de Trives
RibeiraSacraXa
Os participantes aprenderán a ler o terreo, trazar rutas e manter a calma ante situacións de desorientación
17 Oct 2025
O Consorcio de Turismo da Ribeira Sacra pon en marcha os días 18 e 19 de outubro un curso práctico de orientación en montaña dentro do programa “A Caída da Folla 2025” que terá lugar nos concellos de Manzaneda e A Pobra de Trives.
Durante a xornada, os participantes aprenderán a ler o terreo, trazar rutas e manter a calma ante situacións de desorientación, mergullándose no pensamento estratéxico dun guía de montaña.
Os interesados poden obter máis información e realizar as súas reservas a través da páxina web do consorcio. A actividade enmárcase dentro dos programas de promoción do turismo activo e sostible na Ribeira Sacra, en colaboración coa Axencia Turismo de Galicia.