O Conservatorio Adagio celebrou o seu 35 aniversario en Monforte
O Conservatorio Profesional de Música Adagio conmemorou este sábado, 4 de outubro, o seu 35 aniversario nun acto celebrado na Igrexa de Nosa Señora da Antiga. A xornada contou coa presenza do alcalde de Monforte, José Tomé Roca, acompañado polas concelleiras de Cultura, Marina Doutón, e de Muller e Igualdade, Margarita López.
A celebración incluiu un homenaxe ao fundador do conservatorio, Manuel Randulfe Jácome. O evento comezou ás 18.30 horas cunha proxección comentada sobre a traxectoria concertista e docente de Randulfe, seguida dun recital a cargo dos alumnos do centro. Como peche, serviu un aperitivo no Claustro Monumental dos Escolapios.
Durante o acto, o alcalde destacou a calidade artística de Manuel Randulfe e a aposta do conservatorio pola formación musical en diversas disciplinas. O Conservatorio Adagio, que conta actualmente con arredor de 60 alumnos, ofrece ensinanzas nos graos elemental e profesional en modalidades como piano, guitarra, guitarra eléctrica, baixo eléctrico, percusión e batería.
Con 35 anos de historia, o Conservatorio Adagio consolidouse como un referente cultural en Monforte, promovendo a educación musical e o talento local.