O Consello Regulador da D.O. Ribeira Sacra tramitará as axudas á reestruturación e reconversión da viña
No DOGA do 10 de abril publicouse a Orde da Consellería do Medio Rural, na que se establecen as bases reguladoras das axudas á reestruturación e reconversión da viña en Galicia, e convócanse para este ano 2025 (código de procedemento MR446A).
Con elas preténdese aumentar a competitividade dos produtores vitivinícolas, mellorar os sistemas de produción sostibles e a pegada ambiental deste sector produtivo. Preténdese así diminuír os custos das explotacións e apostar pola súa redimensionamento ao levar a cabo reaxustes estruturais. Foméntase a adaptación das variedades ás demandas do consumidor, á vez que se preservan as viníferas autóctonas galegas, de menores rendementos e elevada calidade diferenciada, aproveitando a gran vantaxe competitiva que supón a súa diferenciación no mercado.
Con estas achegas aumenta o grao de profesionalización do sector vitícola galego, poténciase o cambio xeracional e o desenvolvemento ruraI. Son beneficiarias destas axudas as persoas viticultoras rexistradas no Rexistro Vitícola cuxas viñas destínense á produción de uva para vinificación, cunha superficie máxima subvencionable de 10 hectáreas por persoa viticultora. Estas achegas aplicaranse ás superficies vitícolas onde leven a cabo operacións de replantación de viñas, reconversión varietaI e/o melloras das técnicas de xestión das viñas.
O prazo de presentación de solicitudes está xa aberto e prolóngase ata o 25 de abril. Os viticultores rexistrados no rexistro da D.O. Ribeira Sacra poderán tramitar as axudas na sede do Consello Regulador da Denominación de Orixe Ribeira Sacra, situada en R/Comercio 6-8, 1º piso de Monforte de Lemos. Pódese solicitar cita previa chamando ao teléfono 982 410 968.