O Concerto de Nadal do Conservatorio Municipal de Monforte celebrarase esta tarde
Esta tarde, ás 20.00 horas, celebrarase no Auditorio do Edificio Multiusos de Monforte o tradicional Concerto de Nadal do Conservatorio Municipal Mestre Ibánez do Concello de Monforte.
O recital correrá a cargo do alumnado e profesorado do Conservatorio Municipal nas súas diversas especialidades e está dirixido a todo o público en xeral, sendo a entrada gratuíta.
As actuacións realizaranse en grupos de conxunto de guitarra, saxofón, violín, clarinete e frauta, percusión, vento metal con trombón ou trompeta, así como coros e orquestra.
Desenvolvemento do concerto
No concerto interpretaranse sobre todo temas de temática navideña, así como obras de autores clásicos e modernos da man das diferentes agrupacións do Conservatorio.
Así, o coro elemental interpretará 'Nadal en Luintra' de Berrogüett, o conxunto de percusión interpretará 'Jingle bells de Arr. Javier Eguizábal e 'Feliz Navidad' de Igor Escalona, mentres o grupo de guitarras tocará 'Lady Madrid' de José María Conejo Torres e a orquestra elemental de violíns farao de 'Twinkle Twinkle Little Star' de Popular.
Por outra parte, o grupo de saxofóns interpretará 'Moon River' de Mancini e 'Santa Claus is Coming to Town' de J. Fred&Gillespie. Pola súa parte, a orquestra de violíns tocará 'Hallelujah' de Haëndel e o conxuntos de piano, 'Arabian Nights', da B.S.O. Aladín e 'Boogie for two' de Gerald Martin.
Despois, será a quenda do grupo de improvisación, con 'Spain' de Chik Corea e 'All I want Christmas is you' de Mariah Carey; mentres que o conxunto de clarinetes e frauta tocarán 'Rodolfo el Reno' de J. Marks, e o grupo de vento metal 'Last Christmas' de Wham.
Por último, o coro profesional cantará 'Carol of the Bells', o popular ucraniano e a Orquestra rematará a función con 'El Lago de los Cisnes 1º-2º' de Tchaikovsky, 'Frank Sinatra Hits Medle' de Arr. Naohiro Iwai e 'Especial Navidad', un popurrí popular.