A Casa da Cultura de Sober acolle este venres un Bingo Solidario para recadar fondos para Valencia
RibeiraSacraXa
Todo o recadado será destinado ás contas oficiais para afectados pola DINA dos concellos de Paiporta, Aldaia, Algemesí, Massanassa e Picanya
Bingo Solidario, Sober
13 Nov 2024
A Casa da Cultura de Sober acollerá este venres un Bingo Solidario en favor das vítimas da DINA de Valencia.
A actividade, que conta coa colaboración do Concello de Sober, arrancará ás 19.30 horas e todo o recadado será destinado ás contas oficiais para afectados pola DINA dos concellos de: Paiporta, Aldaia, Algemesí, Massanassa e Picanya.
Os premios serán doados por empresas da zona e poderase desfrutar de petiscos e música en directo da man de artistas voluntarios. Ademais, haberá un punto de doazóns económicas habilitado para particulares e empresas.