O Concello de Pantón coloca un buzón para as cartas aos Reis
![buzon cartas reis panton 1](https://ribeirasacraxa.com/wp-content/uploads/2022/12/buzon-cartas-reis-panton-1.jpg)
O Concello de Pantón recibiu a petición das súas Maxestades, os Reis Magos de Oriente, e de Papá Noel de que coloque o buzón para que os nenos e nenas de Pantón depositen as súas cartas de petición de agasallos para este Nadal.
Este buzón máxico estará situado na casa da cultura.
Así mesmo, segue aberto o tradicional concurso de postais e Beléns. Todos os nenos do Concello que o desexen poderán participar presentando as súas postais antes do día 22 nas oficinas da casa da cultura. Estas deben levar nome, apelidos e idade do autor ou autora na parte posterior.
Con respecto ao concurso de Beléns, a data límite para anotarse será tamén o día 22.
O período de inscrición xa está aberto e nel poderán participar asociacións, familias e persoas a nivel individual que tamén sexan do concello de Pantón.
![buzon cartas reis panton](https://ribeirasacraxa.com/wp-content/uploads/thumbs/2022/12/buzon-cartas-reis-panton-200x433.jpg)