O Concello de Monforte de Lemos decreta tres días de loito oficial
![concello monforte bandeira media hasta](https://ribeirasacraxa.com/wp-content/uploads/2022/02/concello-monforte-bandeira-media-hasta.jpg)
Ante o acontecido polo naufraxio do buque pesqueiro Villa de Pitanxo nas augas de Terranova, o alcalde de Monforte, José Tomé Roca, en nome de todos os monfortinos e monfortinas, “manifesta o máis profundo e sentido pesar polo fatídico e tráxico naufraxio”.
A estes efectos, o Concello súmase á proposta da Xunta de Galicia de decretar o loito oficial,
publicado no DOG de data 16 de febreiro de 2022. Deste xeito, o Decreto asinado polo Alcalde declara 3 días de loito oficial en todo o municipio dende as 00.00 horas do xoves 16 de febreiro e ata as 24 horas do venres día 18 de febreiro de 2022.
Asimesmo, nas sinaladas datas deberán ondear a media hasta as bandeiras oficiais en todos os
centros e edificios públicos do Concello de Monforte de Lemos.