O Concello de Carballedo acolle unha degustación gratuíta de produtos do mar e da terra
![casa concello de carballedo](https://ribeirasacraxa.com/wp-content/uploads/2021/10/casa-concello-de-carballedo.jpg)
O Concello de Carballedo ofrece o vindeiro luns 16 de outubro unha degustación gratuíta de 10 petiscos elaborados a base de produtos do mar e da terra. A iniciativa terá lugar na praza do Concello, na Tolda e na praza dos Pulpeiros.
A actividade comezará ás 11.00 horas no foodtruck situado na praza do Concello, na Barrela, ata as 13.00 horas. De 13.00 a 15.00 horas, continúa na Tolda, fronte ao bar Os Roxos. A última parada será na praza dos Pulpeiros, en Castro, de 17.00 a 19.00 horas.
A iniciativa forma parte da campaña Galicia Sabe Amar coa que a Xunta anima á cidadanía a consumir produtos do mar, impulsa a súa venda e pon en valor o labor dos profesionais da pesca e o marisqueo.
Ao longo deste ano, o programa realízase a través de catro foodtrucks que levan o sabor das rías galegas por máis de 250 concellos de todo España.
![desgustacion carballedo](https://ribeirasacraxa.com/wp-content/uploads/thumbs/2023/10/desgustacion-carballedo-200x167.jpg)