O Concello da Pobra de Trives avanza na mellora do Campo Municipal do Agro
As obras do mellora do Campo Municipal do Agro continúan avanzando a bo ritmo. Así o aseguran dende o Concello da Pobra de Trives tras unha visita da alcaldesa, Patricia Domínguez, e o concelleiro de Deportes, Fermín Santoveña, a este espazo.
O proxecto levado a cabo contempla a creación dun campo moderno, accesible e en óptimas condicións para clubs, deportistas e afeccionados.
Entre as actuacións destacadas atópanse a instalación de novo céspede artificial, a colocación de iluminación LED eficiente e melloras no drenaxe e rega do terreo.
Estas intervención, explican dende o Concello, buscan ofrecer un espazo deportivo de calidade que favoreza a práctica do fútbol e outras actividades no municipio, mellorando tanto a seguridade como a comodidade para todos os usuarios.