O Club Lemos renova a súa directiva
RibeiraSacraXa
Antonio López ocupará o cargo de presidente, Óscar Moure será o novo director deportivo e Juanlu Bernal deixa o club
Antonio López, novo presidente do Club Lemos
20 Jan 2025
A asemblea de socios do Club Lemos escolleu esta fin de semana ao seu novo presidente, Antonio López, único candidato que se presentou ao cargo. López estaba á fronte do equipo de forma temporal tras a saída de Óscar López Cerceda, que deixou o posto o pasado mes de decembro despois de sete anos.
Pola súa banda, o técnico Óscar Moure regresa ao club monfortino para ocupar a dirección deportiva, mentres que o adestrador ata o momento, Juanlu Bernal, foi cesado do seu posto o sábado. Polo de agora, será José Manuel Pasín quen exerza como adestrador do primeiro equipo.