O Círculo de Benestar regresa a Sober cunha sesión sobre sororidade

Será este xoves, 29 de maio, na Casa da Cultura

O Círculo de Benestar regresa a Sober este xoves, 29 de maio, cunha sesión sobre sororidade e apoio mutuo que arrancará ás 19.30 horas na Casa da Cultura.

A actividade estará guiada por Paula Santos, educadora social, e terá como obxectivo analizar como as desigualdades de xénero afectan ao benestar persoal, reflexionando sobre as emocións que xorden en situación de desigualdade, así como fomentar a creación de lazos.

Para participar será necesario inscribirse previamente a través dos teléfonos 982 460 513 ou 628 055 236.