O CIM de Quiroga traballa na programación de actividades para conmemorar o 8M

O Centro de Información á Muller (CIM) traballa na programación de actividades do mes de marzo con motivo do Día Internacional da Muller. Entre as propostas previstas figura un Círculo de Benestar con claves para o autocoidado, no que se abordará a identificación das emocións, a promoción do benestar e a aprendizaxe para priorizarse creando espazos seguros.
A actividade será impartida pola educadora social Paula Santos e desenvolverase de balde o día 5 de marzo, entre as 18:30 e as 20:00 horas. Así mesmo, celebrarase a tradicional Cea de Sororidade, que celebrará a súa novena edición e que, como cada ano, estará aberta a todas as mulleres da comarca. Nesta edición, a cea terá lugar o venres 6 de marzo a partir das 21:30 horas no restaurante Chapakuña. As entradas xa están á venda ata o 5 de marzo na oficina do CIM de Quiroga.