O Centro Social de Quiroga inicia as clases de ximnasia de mantemento
O Centro Social de Quiroga iniciou esta semana as súas clases de ximnasia de mantemento destinadas a persoas maiores, dentro da programación de actividades do último trimestre do ano.
O alcalde, José Luís Rivera, xunto co concelleiro de servizos sociais, Xosé Manuel Fernández, visitaron aos participantes para darlles a benvida a esta nova edión, que superou o número de prazas dispoñibles, e aseguraron que buscarán alternativas para atender a máis persoas no mes de xaneiro.
As sesións, impartidas por Iván Coba, reúnense os luns e mércores pola tarde, e contan cunha trintena de participantes. Durante a actividade, os asistentes realizan exercicios que fomentan a mobilidade, o ton físico, o equilibrio, a coordinación e os estiramentos, co obxectivo de mellorar a saúde e o benestar xeral.