O CEIP Rosalía de Castro de Bóveda celebrou o Día Internacional da Muller e a Nena na Ciencia
RibeiraSacraXa
Ademais, para conmemorar esta efemérida, Bóveda acolle tamén a mostra ‘Comadres científicas’
14 Feb 2026
O CEIP Rosalía de Castro de Bóveda organizou esta semana varias actividades con motivo do Día Internacional da Muller e a Nena na Ciencia.
Este venres, o alumnado recibiu a visita do equipo de Ciencia en movemento, co que realizaron experimentos científicos aprendendo a través da observación, a experimentación e o xogo.
Ademais, na biblioteca do centro pódese visitar ata o 27 de febreiro a mostra ‘Comadres científicas’, que visibiliza a sete mulleres galegas pioneiras na ciencia.