Educación

Será este mércores, 26 de febreiro, ás 16.00 horas

Este mércores, 26 de febreiro, o CEIP Plurilingüe Virxe do Carme de Sober organiza unha xornada de portas abertas para que as familias interesadas poidan coñecer de primeira man as actividades educativas que se levan a cabo neste centro de ensino.

Será a partir das 16.00 horas da tarde, mentres que o prazo para reservar a praza neste colexio estará aberto dende o 1 ata o 20 de marzo.

Entre a oferta educativa do centro inclúense grupos reducidos, obradoiros internivel, radio escolar, auxiliares de conversa nativa, comedor con cociña propia, apertura á contorna natural, biblioteca creativa e PLAMBE, actividades extraescolares e un servizo de conciliación entre as 7.45 e as 9.30 horas da mañá, e polas tardes, de 15.45 a 17.30 horas.