O alumnado do CEIP de Quiroga encherá de panxoliñas as rúas da localidade
O CEIP de Quiroga iniciará a próxima semana o seu tradicional percorrido musical polo centro da localidade, no que o alumnado cantará panxoliñas de Nadal en varias prazas. As actuacións desenvolveranse entre o mércores 10 e o martes 16 de decembro, sempre ás 12:00 horas.
A primeira saída será o mércores 10, cando o alumnado de 4º A e 2º de Primaria ofrecerá as súas interpretacións na praza da Rúa Lago e na praza Maior. O xoves 11 será a quenda de 4º B e Infantil A, que cantarán na praza da Rúa Lago e na praza de España.
O venres 12 actuará o alumnado de 6º e 1º de Primaria, tamén na praza da Rúa Lago e na praza do Toural. Xa o luns 15, 3º de Primaria e Infantil B levarán as súas panxoliñas á praza da Rúa Lago e á praza de España.
O ciclo pecharase o martes 16, cando 5º de Primaria e Infantil C ofrecerán as últimas actuacións na praza da Rúa Lago e na praza do Toural.