O alumnado da Escola Municipal de Música Samoeiro da Pobra do Brollón actuará no Festival das Letras

O alumnado da Escola Municipal de Música Samoeiro da Pobra do Brollón actuará no Festival das Letras que terá lugar esta tarde

Con motivo do Día das Letras Galegas, o Concello da Pobra do Brollón organiza o Festival das Letras este sábado, 20 de maio.

A partir das 19.30 horas o alumnado da Escola Municipal de Música Samoeiro actuará na área recreativa de Samugueiros, aínda que se chove a actividade trasladarase á Casa da Cultura Olga Novo.

Ademais, esta iniciativa tamén acollerá a entrega dos premios da Feira do Viño de Vilachá que se celebrou os pasados 6 e 7 de maio.

Todas as persoas interesadas en participar poderán facelo, xa que o acto ten acceso libre e gratuíto.