O alcalde de Monforte fixo entrega dos trofeos do Campionato de Pesca Infantil e Xuvenil Río Cabe
O alcalde de Monforte, José Tomé, entregou onte os trofeos do Campionato de Pesca Infantil e Xuvenil Río Cabe. O acto tivo lugar pola mañá na Área Recreativa de Ribas Altas, tras a competición que se celebrou na Zona da Míllara e contou coa participación de sete rapaces, que pescaban desde as 10:00 ata as 12:45 horas.
O evento foi organizado polo Club de Pesca Río Cabe coa colaboración do Concello de Monforte. Segundo os organizadores, a xornada foi moi produtiva, con un total de 303 peixes capturados entre todos os participantes, o que supuxo unha media de máis de 43 peixes por concursante.
O campionato contou con dúas categorías: de 9 a 12 anos e de 12 a 18 anos. Na categoría infantil, o primeiro premio foi para Manuel Rodríguez, seguido de Pablo Somoza e César Fernández. Na categoría xuvenil, os gañadores foron Lucas Pavón, Iago Delafuente e Mateo Fernández, respectivamente.