Novas vías para os empresarios agrícolas
![bambu fibra](https://ribeirasacraxa.com/wp-content/uploads/2022/05/bambu-fibra.jpg)
Aparecen outros cultivos que se están a impoñer pouco a pouco nun sistema en constante evolución.
Agora máis que nunca o sector agrícola está a atravesar unha tripla revolución: ecolóxica, dixital e cultural. A terra ten poboación mundial en constante crecemento e que esixe e require dunha agricultura que sexa capaz de manterse ao día e innovar así como de optimizar os recursos. Tamén, comézase a dar preferencia á calidade e á diversidade respecto a a cantidade. Algúns sectores do mercado como o biolóxico e a cadea local serán os puntos máis importantes nas decisións de política agrícola vindeira e parece que unha agricultura sostible é unha das respostas posibles ao crecemento da poboación e ao cambio climático.
Por iso están tan de moda os cultivos proteicos como son os chícharos, as fabas, o xirasol, a soia, a colza, e plantas leguminosas forraxeiras como a alfalfa ou o trevo.
Estes cultivos poden mellorar a organización produtiva, fomentando a rotación entre cultivos empobrecidos e cultivos intermedios, melloran a estrutura e a fertilidade do terreo, axudan a reducir o uso de fertilizantes e fitosanitarios, e evitan o empobrecemento dos terreos por mor do monocultivo de cereais.
Por este motivo, a nova PAC 2023-2027, do mesmo xeito que a anterior, puxo no punto de mira a necesidade de prever un apoio aos agricultores para fomentar a produción.
O cáñamo está a gañar espazo en diferentes sectores como o da construción e o cosmético xa que ademais de ser un válido sustituto do plástico grazas ao uso da celulosa procedente das súas fibras, tamén se pode empregar no sector da bioconstrución e a bioenxeñaría facendo ladrillos de cáñamo que contan cunha extraordinaria capacidade para regular a humidade e teñen propiedades illantes; no sector téxtil como sustituto das fibras sintéticas; na industria cosmética e farmacéutica. As sementes e o seu aceite de tamén se usan no sector alimentario grazas ás proteínas que conteñen cun gran valor nutritivo e á riqueza de graxas insaturadas, ideal para unha dieta que preveña enfermidades do sistema cardiovascular.
Tamén se usa para a fitodepuración e a rehabilitación de sitios contaminados.
Outra das plantas das que se está a falar moito é a quinoa, que é capaz de crecer e producir en terreos salinos. Contan con moitas propiedades nutricionais como que non contén gluten, pero si todos os aminoácidos esenciais, Omega-3 e Omega-6. A nivel de rendibilidade para os agricultores, a quinoa pode representar unha interesante alternativa para introducir en rotacións agronómicas.
O ginseng chegou ás nosas vidas da man das infusións. É unha raíz exótica que é moi rendable aínda que o seu crecemento é moi lento, non se pode recoller antes dos 6 ou 7 anos.
O bambú é unha planta de rápido crecemento que se introduciu en Europa nun principio como planta ornamental dende Asia.
Esta planta úsase en moitos ámbitos, desde a produción de materiais para mobles ecosostibles ata o uso en campo téxtil, cosmético e ornamental.
Os froitos secos teñen un gran valor comercial e poden cultivarse de forma moi rendible xunto aos cultivos tradicionais. Dentro deles podemos atopar os pistachos, dos que hai moita demanda no ámbito culinario; as améndoas, tamén moi usadas en cosmética polas súas propiedades beneficiosas; as abelás, ingrediente indispensable das cremas cosméticas.
Entre as actividades produtivas que cobraron maior importancia recentemente están as relacionadas coa apicultura. Hai que pensar que está vinculada a outros tipos de produtos como propóleos, xalea real e cera.
A actividade vinculada á cría de caracois denomínase helicicultura, e é un sector que non deixa de crecer desde hai anos.
Ademais da demanda vinculada á gastronomía, o sector no que este tipo de produto é especialmente solicitado é o cosmético.