Nova fase na escavación do xacemento arqueolóxico de Proendos en Sober
![escavacions arqueoloxicas o carme](https://ribeirasacraxa.com/wp-content/uploads/2021/04/escavacions-arqueoloxicas-o-carme.jpg)
Os traballos de escavación no xacemento arqueolóxico de Proendos no Concello de Sober inician hoxe unha nova fase.
En concreto, a empresa Tempos Arqueólogos, encargada da exploración do xacemento, desprazou a seis traballadores ata a localidade onde xa se atopan levando a cabo as súas escavacións, que se prolongarán durante dúas semanas.
A actuación vai consistir na apertura da parte suroeste do hórreo romano aínda sen escavar atopado nos anteriores traballos, un achado que podería converterse no máis grande de Galicia e o primeiro da Comunidade vinculado a unha vila romana.
A maiores, levarán a cabo traballos de escavación preto da igrexa para analizar a posible existencia dun posible columbario formado por varias estruturas circulares.
Cómpre recordar que no traballo de campo anterior saíron á luz numerosos materiais de ampla cronoloxía que van desde o século I ata o século V.
![escavacion proendos sober](https://ribeirasacraxa.com/wp-content/uploads/thumbs/2021/09/escavacion-proendos-sober-200x355.jpg)