Música e gastronomía únense na XXXIII edición da Festa do Caldo de Ósos de Taboada
A Festa do Caldo de Ósos de Taboada celebra esta fin de semana asúa edición número 33, cun gran número de actividades culturais e gastronómicas onde os asistentes poderán degustar o tradicional menú con caldo de ósos, visitar o mercado de produtos locais e unha mostra de razas autóctonas, na que os expertos explicarán ademais o proxecto de cría dos animais.
A maiores, este sábado inaugurouse a exposición fotográfica ‘As Donas do Caldo de Ósos’, que se poderá visitar na Casa da Cultura da localidade durante todo o mes de marzo.
A celebración deste domingo contará con animación musical de rúa, coas actuacións de Os Rechouchíos e a Banda de Música de Agolada ou o concerto do grupo galego Alana, entre outros. A poeta e ensaísta Olga Novo, Premio Nacional de Poesía en 2020, será encargada de ler o pregón, ás 13.35 horas.
Programa completo
- 11.00 horas. Apertura do recinto da festa (Feira de razas autóctonas: exhibición e mostra de animais vivos; Mercado de produto local e de proximidade; Demostración de artesanía ao vivo; Elaboración dunha facha, pola Asociación As Fachas do Castelo)
- 12.00 horas. Concerto A Banda de Música de Agolada (Praza de Riazón)
- 13:00 horas. Folión e cabezudos con Os Rechouchíos (Rúas da vila e Praza de Riazón)
- 13:30 horas. Pregón do caldo de ósos 2024 na voz de Olga Novo
- 14:00 horas. Degustación gratuíta de caldo de óso ofrecida pola hostalería local (Praza de Riazón)
- 15:00 horas. Xantar co menú da festa (Restaurantes de Taboada)
- 17:45 horas. Actuación de música tradicional Os Rechouchíos (Praza de Riazón)
- 19:00 horas. Obradoiro Culleires foliadeiras para público familiar con Rural e Urbano (Praza de Riazón)
- 19:00 horas. Cata maridaxe O Caldo de Ósos con Denominación de Orixe Ribeira Sacra, a cargo de Suso Costela. Conversa sobre razas autóctonas de Galicia (Casa da Cultura)
- 20:00 horas. Concerto de Alana (Praza de Riazón)
- 21:30 horas. Degustación gratuíta de produtos do porco (Praza de Riazón)
- 22:30 horas. Fin de festa coa Orquestra Saudade (Praza de Riazón)