Sociedade

Rutas e carreiras a cabalo, música, gastronomía e artesanía déronse cita na vila nunha edición de éxito

Carballedo viviu este sábado unha das súas grandes citas do ano coa celebración da III Festa do Cocido de Porco Celta, Mostra de Artesanía e Festa do Cabalo, unha xornada dedicada á tradición, á gastronomía e ao ambiente propio da Ribeira Sacra.

O pregón desta edición estivo a cargo de Juan Verde, emprendedor global e ex alto cargo do Goberno dos Estados Unidos, coñecido polo seu traballo como referente internacional en economía sostible. A xornada contou cunha Mostra de Artesanía e a Festa do Cabalo, sesión vermú, un xantar multitudinario, carreiras de cabalos e animación musical a cargo da charanga Unión Phenosa.