Axenda | Actualidade

A animación corre a cargo de Anxo Moure e Servando Barreiro

Visita do Apalpador a Monforte de Lemos

Este martes, 24 de decembro, Monforte de Lemos recibe a visita do Apalpador. Os veciños e veciñas e poderán desfrutar deste típico personaxe polas rúas de Monforte dende ás 11.30 horas. A animación corre a cargo de Anxo Moure (apalpador) e Servando Barreiro (músico).

O Apalpador, é un mítico personaxe da tradición popular galega, nado no Courel, ligado ás festas do Nadal. Grandullón, bo, de mirada doce e longas barbas coloradas, durante o ano fabrica carbón e vive dos froitos silvestres, da caza de xabarís, recolle mel e fai aparecer coas ramas dos bosques os xoguetes que as madeiras esconden.

Deste xeito, percorrerá co seu abrigo cheo de remendos e a grandes zancadas xunto cun músico amigo seu as rúas da cidade de Monforte.