Axenda

Este martes 28 de novembro terá lugar a primeira das sesións do curso de autodefensa para mulleres ante situacións violentas en Monforte.

Este martes 28 de novembro terá lugar a primeira das sesións do curso de autodefensa para mulleres ante situacións violentas en Monforte. Trátase dunha das propostas que a concellería de Muller e Igualdade a través do Centro de Información á Muller ten programadas dentro do conxunto de actividades que está levando a cabo nestas datas co gallo do 25.

Aínda quedan algunha praza vacante, polo que as mulleres interesadas poden inscribirse no CIM a través do número 982 416 350 para participar nas dúas sesións que se levaran a cabo no Centro Cívico Social de 16.00 a 20.00 horas este martes e o vindeiro xoves 30 de novembro.

O obxectivo da actividade é dotar as mulleres de ferramentas para a súa defensa persoal e auto capacidades para a prevención de situacións de violencia de xénero, estará impartido por persoal instrutor de Fegaloita cualificado con experiencia en técnicas de intervención na violencia de xénero.

Actuar ante situacións de ameaza

O que se pretende é que sexan un instrumento de formación que comprenda un conxunto de coñecementos, actitudes, pautas e técnicas físicas que permitan prever, avaliar e actuar ante situacións de ameazas, riscos ou agresións.

Neste sento, non se quere ensinar a pelexar, senón que se ensinar a poder escapar desas situacións ilesas ou co menor dano posible, para despois utilizar as vías legais de protección e denuncia. As técnicas han de ser sinxelas, pero ao mesmo tempo efectivas para acadar o obxectivo que se pretende, que non é outro que o de fuxir. Amosarase como utilizar obxectos cotiás como as chaves, os móbiles, os bolsos….

Trataranse aspectos legais, psicolóxicos, estratéxicos, físicos e por suposto de prevención, xa que se entende que esta última é a que pode evitar nun momento determinado que chegue a producirse a agresión. Tamén se amosará material de defensa do que se dispón hoxe en día para a autoprotección.