Monforte modifica os horarios de recollida de lixo durante as festas de Nadal
O Concello de Monforte informa que os días de Noiteboa e de Fin de Ano haberá cambios no servizo de recollida do lixo. O obxectivo deste cambio horario é permitirlles ós traballadores que poidan pasar esas noites na compaña das súas familias.
Os días 23 e 30 de decembro, os cubos habilitados diariamente para a recollida de lixo quedarán depositados na rúa ata o inicio da recollida dos días posteriores, 24 e 31 de decembro.
Polo tanto, os días 24 e 31 de decembro a recollida comezará ás 15.00 horas e rematará ás 19.00 horas. Este horario de recollida afectará tanto ó servizo de recollida de fracción resto coma ó servizo de recollida de cartón porta a porta no casco urbano de Monforte. Procederase á recollida de lixo e recollida de cubos.
Por outra parte, os días 25 e 31 de decembro de 2024 e o 6 de xaneiro de 2025 a empresa de recollida de lixo realizará os servizos propios e habituais de domingos e festivos.
A concellería de Medio Ambiente lamenta as molestias que puideran derivarse deste cambio e, ó mesmo tempo, pídese a colaboración de todos os veciños e veciñas, así como dos comerciantes.
O servizo de recollida de lixo volverá ó seu horario habitual os días seguintes destas datas festivas.