Monforte acolleu o concerto polo 25 aniversario da Asociación Camiños a Santiago pola Ribeira Sacra
RibeiraSacraXa
O concerto correu a cargo da artista monfortina Rosa Cedrón, cantante e intérprete de violonchelo
23 sep 2024
A tenente de alcalde de Monforte, Gloria Prada, en representación do alcalde, José Tomé Roca, acudiu ao concerto en conmemoración do 25 aniversario da Asociación Camiños a Santiago pola Ribeira Sacra, que tivo lugar na Igrexa Nosa Señora da Antiga de Monforte.
No acto, estivo acompañada pola Concelleira de Cultura, Ensino e Xuventude, Marina Doutón, así como outras autoridades e numeroso público que encheu a igrexa.
O concerto correu a cargo da artista monfortina Rosa Cedrón, cantante e intérprete de violonchelo, coñecida por ser a voz durante 9 anos no grupo Luar na Lubre.