Monforte acollerá un obradoiro de alimentación saudable para maiores de 60 anos
O Espazo Gastronómico de Monforte, na Praza de Abastos, será o escenario dun obradoiro de Alimentación Saudable destinado a persoas maiores de 60 anos, dentro do Programa Activa. A actividade está organizada pola Fundación FormaVigo en colaboración co Concello de Monforte e será impartida pola nutricionista e cociñeira Estefanía Montes.
O obradoiro, de carácter gratuíto, dividirase en tres módulos teórico-prácticos centrados na preparación de almorzos, comidas e merendas-ceas. As sesións terán lugar os días martes 28 e xoves 30 de outubro e luns 3 de novembro, en horario de 16.30 a 20.30 horas.
O prazo de inscrición abrirase o luns 20 de outubro ás 9.00 horas e pecharase o 24 de outubro ás 14.00 horas. As 16 prazas dispoñibles cubriranse por orde de inscrición, e as persoas interesadas deberán presentarse na secretaría dos Servizos Sociais, situada no Centro Cívico de Monforte (Paseo do Malecón s/n).
Para poder participar, os solicitantes deberán estar empadroados en Monforte de Lemos e ter cumpridos os 60 anos. A inscrición realízase mediante un modelo de solicitude facilitado na secretaría, acompañado dunha copia do DNI e dun certificado de empadroamento, no caso de non autorizar a consulta por parte do Concello.
Con esta programación, el Concello busca recuperar la tradición festiva y ofrecer a vecinos y visitantes una amplia variedad de actividades culturales, musicales y gastronómicas.