Deportes

Será este sábado en A Pinguela coa participación de preto dun cento de deportistas

Imaxe do CV Ribeira Sacra

Este sábado, o Pavillón Municipal da Pinguela de Monforte será o escenario da fase final do Campionato Provincial Escolar de Voleibol nas categorías Alevín e Benxamín. A organización do evento foi delegada polo Servizo Provincial de Deportes no Club Voleibol Ribeira Sacra.

A xornada comezará ás 10:30 horas e contará coa participación de preto dun cento de deportistas pertencentes ao C.V. Ribeira Sacra, ao club Emevé e ás Escolas Municipais de Quiroga.

Ao acto de entrega de trofeos, que se celebrará ao rematar os encontros, confirmaron a súa asistencia o alcalde de Monforte, o concelleiro de Deportes e representantes do Servizo Provincial de Deportes.