Monforte acenderá as luces de Nadal o 5 de decembro
O alcalde de Monforte, José Tomé Roca, anunciou este sábado que o acendido oficial das luces de Nadal celebrarase o vindeiro venres 5 de decembro, coincidindo coa chegada da ponte da Constitución. O acto terá lugar ás 18.30 horas na rúa Cardeal, ao pé da estrutura cónica que simboliza a árbore de Nadal e que este ano medra un metro máis, superando os 20 metros de altura coa estrela incluída.
O Concello destina neste 2025 un total de 57.000 euros ao dispositivo ornamental, que iluminará 67 rúas e espazos destacados da cidade. En total, instalaranse 265 arcos luminosos e arredor de 1,2 millóns de puntos LED. Como novidade, a Praza de España contará cunha figura decorativa en forma de oso panda. O alumeado permanecerá aceso cada día entre as 18.30 e as 02.00 horas, e manterase ata o martes 6 de xaneiro, Día de Reis.
Durante a presentación, o alcalde destacou con este dispositivo festivo Goberno municipal busca “dinamizar e animar aos monfortinos e monfortinas e ás persoas que nos visitan a desfrutar da cidade e facer as súas compras navideñas no comercio local. O importante é animar e alegrar a vida dos nosos veciños e veciñas nestas datas tan sinaladas”.