Merche Pérez valora positivamente o obradoiro de teatro que impartiu no Centro de Día da Pobra do Brollón
RibeiraSacraXa
Merche Pérez valora positivamente o obradoiro de teatro que impartiu no Centro de Día da Pobra do Brollón durante tres meses
![teatro maiores A Pobra do Brollon](https://ribeirasacraxa.com/wp-content/uploads/2023/07/teatro-maiores-A-Pobra-do-Brollon.jpg)
7 Xul 2023
O obradoiro de teatro impartido pola actriz e bailarina Merche Pérez no Centro de Día da Pobra do Brollón rematou en xuño despois de tres meses potenciando a saúde física, psíquica e cognitiva a través do xogo teatral, a relaxación, a música, a expresión corporal, a voz e a danza.
"Recuperamos así a autoestima, a ilusión, a risa, a imaxinación, a confianza, a convivencia e todo o marabilloso que somos capaces de compartir, vivir, ser e crear," valora Merche Pérez tras finalizar o curso.
Actualmente, Merche Pérez continúa a impartir o obradoiro infantil de teatro en plena preparación da representación escénica para a VIII Feira Guímara que terá lugar o sábado, 8 de xullo.